Facebook |  ВКонтакте | Город Алматы 
Выберите город
А
  • Актау
  • Актобе
  • Алматы
  • Аральск
  • Аркалык
  • Астана
  • Атбасар
  • Атырау
Б
  • Байконыр
Ж
  • Жезказган
  • Житикара
З
  • Зыряновск
К
  • Капчагай
  • Караганда
  • Кокшетау
  • Костанай
  • Кызылорда
Л
  • Лисаковск
П
  • Павлодар
  • Петропавловск
Р
  • Риддер
С
  • Семей
Т
  • Талдыкорган
  • Тараз
  • Темиртау
  • Туркестан
У
  • Урал
  • Уральск
  • Усть-Каменогорск
Ф
  • Форт Шевченко
Ч
  • Чимбулак
Ш
  • Шымкент
Щ
  • Щучинск
Э
  • Экибастуз

Мәжіліс ҚР үкіметі мен БҰҰ босқындар істері жөніндегі Жоғарғы комиссарының Басқармасы арасындағы ынтымақтастық туралы келісімнің ратификациясын мақұлдады

Дата: 09 февраля 2011 в 15:30 Категория: Соңғы жаңалықтар қазақша

Астана. 9 ақпан. ҚазТАГ — Айгүл Тулекбаева. Мәжіліс ҚР үкіметімен Біріккен ұлттыр ұйымының босқындар істері жөніндегі Жоғарғы комиссарының Басқармасы (БҰҰБЖКБ) арасындағы ынтымақтастық туралы келісімнің ратификациясын мақұлдады.

Келісімге 2007 жылдың қарашасында Астанада қол қойылды.

«Келісімде БҰҰ БЖКБ өз мандаты шеңберінде үкіметпен ынтымақтастық жасайтын, елімізде өкілдік ашатын және өз құзырына кіретін босқындар мен басқа тұлғаларға халықаралық қорғау мен гуманитарлық көмек беру бойынша өз функцияларын жүзеге асыратын басты шарттар жазылған», — деп мәлім етті сәрсенбі күні мәжілістің пленарлық отырысында сыртқы істер министрінің орынбасары Қайрат Сарыбай.

Оның мәліметтеріне сәйкес, қазіргі кезде Қазақстанда 600-ден аса босқын тіркелген.

«Оның 597-сі Ауғанстаннан келген. Олардың негізгі бөлігі Алматыда шоғырланған, сондықтан Жоғарғы комиссардың кеңсесі осы қалада орналасқан және аймақтық мәртебесі бар, яғни, барлық орталықазиялық республикаларды қамтиды», — деді Қ. Сарыбай депутаттардың сұрақтарына жауап бере отырып.

Мәжілістің салалық комитетінің мәліметтерінше, келісімге сәйкес үкімет басқармамен уағдаластық бойынша БҰҰ БЖКБ лауазымды тұлғаларын, іссапардағы сарапшыларын және осы ұйымның атынан қызмет көрсететін тұлғаларды оларға аталған келісімнің аясында жүргізілетін жобалар мен операцияларды жүзеге асыруға кедергі келтіретін ережелер мен нормалардан босату үшін қажет шараларды қабылдайды.

Мұндай шараларға байланыс құралдарымен қамтамасыз ету, әуе қатынасына және әуе кемесін қондыру үшін салық төлеуден, төтенше жағдайлар кезінде көмек көрсету, босқындар мен басқарманың қызметкерлерін тасымалдау бойынша ҚР-дың салық заңнамасына сәйкес алынатын алымдардан босату құқығын беру жатады.

Үкімет БҰҰ БЖКБ-ға, оның мүлкіне, қаржысы мен активтеріне және оның лауазымды тұлғаларына, іссапардағы сарапшыларына 1946 жылдың 13 ақпанындағы БҰҰ-ның артықшылықтары мен иммунитеттері туралы Конвенциясының сәйкес баптарын қолданады.

 

По сообщению сайта abai.kz ақпараттық порталы